Ерөнхийлөгч ирэх долоо хоногт УИХ-д хаалттай мэдээлэл хийнэ

Монгол Улсын Ерөнхийлөгч Х.Баттулга Үндэсний аюулгүй байдлын зөвлөмжөөр УИХ-д хаалттай мэдээлэл хийхээр болжээ.

Ямар асуудлаар мэдээлэл хийх болон хэзээ товлосон талаар УИХ дахь АН-ын зөвлөлийн дарга Д.Эрдэнэбат “Ерөнхийлөгч эртнээс Үндэсний аюулгүй байдлын зөвлөлийн асуудлаар УИХ дээр хаалттай мэдээлэл хийх санал тавьсан. Тэгэхээр товлосон ганц асуудал бус нэлээд өргөн хүрээг хамрах болов уу гэж бодож байна. Ирэх долоо хоногийн баасан гарагийн УИХ-ын нэгдсэн чуулганаар асуудлыг хэлэлцэх нь зүйтэй гэж УИХ-ын даргын зөвлөл шийдвэрлэсэн” гэлээ.