Коронавирус: 24 цагийн дотор 91 хүн нас баржээ

Коронавирусийн халдварын улмаас амиа алдагсдын тоо 910  болжээ. Хубэй мужид сүүлийн 24 цагийн дотор 91 хүн нас барж, 2616 хүн шинээр халдвар авсан нь тогтоогджээ. Нийт нас барсан хүний 871 нь Хубэй мужид бүртгэгдсэн байна. Вирусийн халдвар авсан ч эдгэсэн хүний тоо 3282 болжээ. 

Харин коронавирусийн халдвар авсан нь батлагдсан тохиолдлын тоо дэлхийн хэмжээнд 40 мянгаас давлаа гэж CNN мэдээллээ.

Өнөөдрийн байдлаар коронавирусийн халдвар дэлхийн 26 улсад тархаад байна.