Д.Нямхүү: Истанбул-УБ-ын онгоцоор ирж, Цэргийн эмнэлэгт тусгаарлагдсан 24 хүний шинжилгээгээр COVID-19 илрээгүй



Эрүүл мэндийн яамнаас мэдээлж байна. Таван хүн нэг дор байвал хүний бөөгнөрөл гэж үзнэ гэж байсан бол өнөөдрөөс эхлэн 2-оос дээш хүн нэг дор байвал хүний бөөгнөрөл гэж үзнэ хэмээн ДЭМБ-аас анхаарууллаа.

ХӨСҮТ-ийн ерөнхий захирал Д.Нямхүү: Д.Нямхүү: Истанбул-УБ-ын онгоцоор ирж, Цэргийн эмнэлэгт тусгаарлагдсан 24 хүний шинжилгээний хариу сөрөг гарсан. Токиогийн онгоцоор ирж, Цэргийн эмнэлэгт тусгаарлагдсан 52 хүнээс коронавирус илрээгүй. Сэлэнгэд тусгаарлагдсан 22 хүнээс коронавирус илрээгүй.
3-р сарын 22-нд ХӨСҮТ болон орон нутагт сэжигтэй тохиолдол бүртгэгдээгүй.

Халдвар авсан 10 хүний бие тогтвортой байна. Хүнд байсан хоёр өвчтөний бие сайжирч, тогтворжиж байна.

Франц иргэний уушгийг компьютер томографаар нарийн шинжлэхэд, уушгинд гаргасан өөрчлөлтүүд эргэн сэргэж, эмчилгээ зохиж байгаа нь харагджээ. Энэ мэдээг эмч өвчтөнд дуулгахад “Би инээж байна, та нарт мөн инээд бэлэглэе” гэсэн мессэж бичжээ. Цаашид өвчтөнүүдийн эмчилгээ хамгийн багадаа 10 хоног үргэлжилнэ.

ЭМЯ-ны Эмнэлгийн тусламжийн газрын дарга Я.Буянжаргал, Улсын хэмжээнд 3222 иргэн тусгаарлагдсанаас өнөөдрийн байдлаар 2033 иргэн тусгаарлан ажиглалтад байна. Урд шөнө Орхон аймагт 44 хүн тусгаарлагдаж, тус аймагт нийт 88 иргэн тусгаарлагдаж байна.

Эмч, эмнэлгийн ажилтнуудыг халдвараас хамгаалах, дархлааг дэмжих чиглэлээр ажиллаж байна. 286 хүн эмч, эмнэлгийн ажилтнууд өвчтөнүүдтэйгээ тусгаарлагдаж ажиллаж байна. Эхний эмч, мэргэжилтнүүд тусгаарлалтаас гарсан. 



Улсын хэмжээнд эрчимт эмчилгээний эмч нарын жагсаалтыг гаргаж, туршлага дадлагаар нь эрэмбэлэн ажиллаж байна. шаардлагатай үед дайчлан ажиллана. Манай улс нийт хүн амынхаа 0.4 хувийг эмнэлэгт хэвтүүлэх боломжтой. 

ДЭМБ-ын мэргэжилтэн О.Ариунтуяа, Африкийн бүсийн дөрвөн улсад халдвар шинээр бүртгэгдлээ. Ихнэнх улс орнууд гэртээ өөрийгөө тусгаарлахыг иргэддээ зөвлөж байна. ДЭМБ-ын Европын бүсээс гэртээ байхдаа дасгал хийж, идэвхтэй хөдөлгөөнтэй байх заавар гаргалаа.

ЭМЯ-ны Гадаад харилцаа, хамтын ажиллагааны газрын дарга Б.Янжмаа, АНУ-д 30 мянга гаруй иргэн COVID-19 халдвар авчээ. Нью-Йорк мужийн захирагч манай улсад 1930-аад оноос хойших хамгийн хүнд нөхцөл нүүрлэлээ. Халдварын тархалт 4, 5 дугаар сард нэмэгдэх хандлагатай байна. ЮНЕСКО-гийн мэдээлснээр дэлхийн 124 оронд бүх шатны боловсролын байгууллагын үйл ажиллагааг зогсоосон бөгөөд энэ шийдвэрт 1.2 тэрбум хүүхэд хамрагдаж байна.