Казахстанд гарсан үймээний улмаас 164 хүн амиа алдлаа

Казахстанд 164 хүн амиа алдаж, 5000 хүнийг баривчлаад байна

Казахстанд гарсан үймээний улмаас 164 хүн амиа алдаж, 5000-6000 орчим хүнийг баривчлаад байна гэж олон улсын хэвлэлүүд мэдээллээ.

Тус улсын Дотоод хэргийн яамнаас гаргасан тооцоогоор эмх замбараагүй байдлаас үүдсэн хохирлын хэмжээ 198 сая ам.долларт хүрчээ. Нийт 100 гаруй банк, аж ахуй нэгжүүд эд хөрөнгөө дээрэмдүүлж, 400 орчим тээврийн хэрэгсэл эвдэрч, сүйджээ.

Баривчлуулсан хүмүүс дунд гадаадын иргэд цөөнгүй байгаа бол амиа алдсан иргэдийн хоёр нь хүүхэд ажээ. Амиа алдсан хүмүүсийн 103 нь зөвхөн Алматы хотод бүртгэгдсэн ба энэ тоо тооцоолсноос их байж магадгүй байна.

Эх сурвалж: BBC, AlJazeera