ЭМЯ: 16 аймагт Covid-19-ийн тохиолдол бүртгэгдээгүй

 Эрүүл мэндийн яамнаас мэдээлснээр, улсын хэмжээнд сүүлийн 24 цагийн хугацаанд хийсэн шинжилгээгээр Covid-19-ийн 45 тохиолдол батлагджээ. Шинээр илэрсэн тохиолдлын 28 нь Улаанбаатар хотод, 17 нь орон нутагт бүртгэгдсэн байна.

Орон нутгаас хамгийн их буюу 10 тохиолдол Дорноговь аймагт батлагджээ. Харин 16 аймагт шинээр халдвар бүртгэгдээгүй байна. Цар тахлын халдвартай 161 иргэн эмнэлэгт хэвтэн эмчлүүлж байгаагаас 14 хүний биеийн байдал нэн хүнд байгаа аж. Хөнгөн хэлбэрээр өвдсөн 594 хүн гэрийн хяналтад буй юм байна.